今日落雪

係Daiso買左兩個整壽司既模﹐放飯->放餡->再放飯->壓兩下->搞惦~ 但Size關係所以只限於Maki Roll~ California Roll就係小Ben係"將太"時代學返來的。下次開Party我要整青/黃瓜卷okay?

尋日見到鄭伊麵

尋日開完會係Parker Place Mario食完Lunch﹐醒起Ekin 1-2pm 有個唔知咩簽名會﹐所以走左入去八下~ 入到去見到David Wong -_- 佢話咩有兩個師妹要表演所以黎捧場窩... 見到Ekin係台上幫人簽名﹐不過可能個簽名會已經差唔多完﹐所以見到得十個八個人係度排隊。現場所見都無咩Ekin既fans﹐圍埋既我估都係我呢d八八卦卦既路人﹐我都可以行去臺邊望得好清楚。仲有Ekin真係曬到超級黑...同埋皮膚有d乾。一睇就知鐘意玩水上活動~

見工

上星期五去左見工﹐不過唔係我見﹐係某"膽小鬼"要見拉埋我去見...啊~唔係﹐係"膽小鬼"個阿爸想我陪佢個女去見0者~ 哈哈。 嗯嗯.. 第一次見工係要搵人壯膽既~ 之後湊夠腳去左打MJ﹐但俾terence放左半隻飛機﹐成日都掛住Bowling﹐ 哼!

Lee Hom 花田錯MV

I love Lee Hom ^^
入面部手機都好似好正wor...

今年係我黎溫哥華既第十年

近排好強烈地覺得溫哥華少左好多香港人。以前見個樣似中國人就講廣東話一定無屎﹐宜家就要變講國語﹐仲要係捲俐國語。 尋日去GGOF個breakfast meeting﹐我估8成既客都係中國大陸黎既。可能大家文化唔同﹐我都真係幾唔慣 ((嘈到丫....-_-))。聽Carrie講佢阿爸七成既香港客已經回流晒添... ((我估加幣高+沉悶生活+仔大女大係決定回流既因數。)) 黎左溫哥華十年之後﹐真係發覺香港人買少見少了~

沙嗲 清湯 麻辣 莧茜皮蛋

Jess 生日去左英記打邊邊﹐我地竟然有私家房+電視﹐有夠獨立party feel~ 我地叫左勁多野食都係同All U Can Eat差唔多價錢~ 抵抵... 最後Jessie做聖誕老人派禮物~ 我同Priz & Step無以為報﹐唯有跳返隻新舞娛樂大家~ 哈哈。 之後我地去左Saimon屋企飲野... 我地發現烏龍茶溝Vodka係超難飲既=(

仲有真係平時唔玩唔知﹐尋晚先知原來個個都好惦﹐特別係Jessie...厲害厲害~ 呢個係Simon介紹我地玩既"噴射啤酒"﹐不過一次過要飲一罐真係好飽....