Christmas 2006

四天既聖誕假期﹐如期的飲飲食食吃喝玩樂﹐聖誕節=增肥節﹐仲話要減肥添﹐真失敗。聖誕Party交換了禮物﹐我估我既喜愛太明顯﹐Carrie好容易咁已經完全揀中我想要而唔捨得買既野﹐多謝你~~~ 而Carrie拆Step份禮物時既反差就最大﹐由一開始好興奮"咩黎架"既表情變去"唔係呀嘛"再變去"哈哈哈哈哈哈...."﹐超搞笑。當晚阿昇仲教我地玩左個超好笑但勁累既遊戲﹐真係哎到喉嚨痛。


聖誕小狗與土耳其農村姑娘

群鹿與聖誕老人合照

26th Boxing Day 我地一早九點出發由Pacific Center殺落Robson﹐一路血拼作戰到夜晚七點﹐行到我腳都跛埋。結數買左一隻錶一條裙一件衫一瓶護膚品...之嘛﹐好在L路V個袋"太貴"﹐otherwise... -_-



另外我想講﹕
點解宜家d男人仲女人過d女人架?? 又小器又愛斤斤計較﹐好似咩野都要算到盡咁﹐講完又再講好Q煩呀。唔好成日計較得到既多﹐做人大方d啦﹐唉...

幸福的聖誕節

呢個聖誕節我大豐收呀﹐因為我收到好多聖誕禮物同手信^^ 大部份都係公司d同事送我既﹐有一份仲係Jessie果同事送俾我既添~ 我好開心呀﹐原來收禮物既感覺真係好幸福﹐所以如果你銀包許可既話﹐你都應該買禮物送俾你身邊既朋友﹐那怕只係一盒朱古力﹐物輕情義重嘛~

Merry Christmas my friends!

Can't believe it's Dec 16th already!!

12月過得超快﹐斬下眼又過左半個月喇﹐搞錯啊!

前幾日溫哥華打風呀﹐時速有成90公里﹐半夜吹到好似十號風球咁﹐我屋企仲停埋電添。之後返工時見到好多小樹/大樹臨晒﹐d紅綠燈又壞晒﹐溫哥華d災難應變措施好唔點。好似前排落多幾日雨d水又成個禮拜唔飲得﹐真係要多多改善至得喇。

好開心終於PASS左最後一科CFP﹐跟住可以有個Merry Xmas~ 呢次考試壓力好大﹐因為壓力來自Chris Chan -- 我老闆個老公。佢考試前兩個禮拜就問我每日溫幾個鐘﹐跟住佢就好嚴肅咁同我講我溫得唔夠﹐因為如果我咁溫落去只會再Fail﹐而再Fail就只會徙自己時間。跟住佢仲好大聲同我講佢要俾壓力我添。其實我真係要多謝佢﹐因為佢睇到好多人地睇唔到既野。Anyways... 以下落黎就要真正努力﹐因為有四本電話簿要Review呀。

今日落左DT行街街﹐Holt Renfrew 有1-day Sale﹐成25% Off。我地仲見到謝婷婷同佢個靚仔BF添~ 同埋我終於買左份Exchange Gift啦﹐哈哈哈.... 我一定會得到"最貼切大獎"同"最具創意大獎"既~~!!